Kthesë dramatike; Manchester City më në fund kampion!

Pas një drame mahnitëse të pastidës në Etihad Stadium, Manchester City në kohën shtesë...Foto 1/6

Foto 2/6

Foto 3/6

Foto 4/6

Foto 5/6

Foto 6/6

Pas një drame mahnitëse të pastidës në Etihad Stadium, Manchester City në kohën shtesë shënoi ‘golin e trofeut’ kundër Queens Park Rangers, gol me të cilin i kurorëzoi me titull pas 44 viteve.

Queens Park Rangers luftoi për një pikë, të cilën duhej ta siguronin që të mbijetonin në Premier Ligën Angleze. QPR, mbeti me 10 lojtarë për 35 minutat e fundit të ndeshjes, pasi Joey Barton u ndëshkua më kartuç të kuq, (QPR ishte në epërsi 2:1).

Në anën tjetër, rivali i Manchester City-t për titull, Manchester United ishte duke udhëhequr me rezultat minimal 1:0 kundër Sunderland, pas shënimit të Ëayne Rooney. Kurse, citizens është dashur patjetër të arrijnë fitore për të fituar titullin pas 44 viteve.
Edin Dzeko ishte pika kthyese e ndeshjes. Ai barazoi rezultatin dhe shënoi për të shfaqur një dramë mahnitëse përfundimtare. Heroi, Sergio Aguero, për më pak se dy minuta pas barazimit shenoi. Kështu që, festa masive në stadium filloi.

United dukej se ishte afër kurorëzimit të titullit të trembëdhjetë të Premier Ligës, por ishin vetëm disa sekonda larg, kishte ende kohë për kthesa, që i dhanë City-t tri pikë të plota për të siguruar titullin para fqinjëve. Për herë të parë në histori të Premier Ligës diferenca e golave ishte vendimtare fitimin e titullit të këtyre dy skuadrave fqinje.

Manchester City mbetet kampion, kurse QPR gjithashtu mbetet në Premier Ligë, falë goldiferencës ndaj Bolton Wonderers, që barazoi 2:2 në udhëtim kundër Stoke City.
"Ne zgjodhëm rrugën e vështire, por ju kam thënë se kjo është mënyra e City-t”, u shpreh Roberto Mancini.


Manchester City 3 - 2 Queens Park Rangers

39’ Zabaleta            -     Cisse 48’
90’ Dzeko            -     Mackie 66’
90+2 Aguero