Me kulm mbi kokë, fal mërgimtarëve

Mitrovicë – Një barak e vjetër, që në stinën e dimrit krijonte lagështi, të ftohtë...Foto 1/1

Mitrovicë – Një barak e vjetër, që në stinën e dimrit krijonte lagështi, të ftohtë ndërsa gjatë verës vapë , familja Jusufi ishte e detyruar të jetonte vite me radhë në kushte jashtëzakonisht të vështira.

Pas 20 vitsh vuajtje në mungesë të strtehimit muaji korrik për këtë familje solli një shpresë jetë.
Behrami, një nga djemtë e kësaj familje që kanë mbetur pa kryefamiljar, thotë se ka më shumë se dy dekada që kanë jetuar në barakë. “Kemi jetuar në gjendje të rëndë. Është vështirë të përshkruhet, kjo mund të përjetohet vetëm nëse dikush e sheh vendin ku kemi jetuar”.   

E gjithë kjo vuajtje e strehimit të kësaj familje mori fundin fal inciativës së disa mërgimtarëve të cilët jetojnë në Kiel dhe Plyn të Gjermanisë.

  Familjarët Jusufi  iu janë shumë mirënjohës të gjithë atyre që ndihmuan që kjo familje të ketë një kulm mbi kokë. “ Falënderojmë  bashkatdhetarët që kanë ndihmuar, por edhe zyrtarët komunalë që kanë marrë përsipër të rregullojnë kuzhinën në shtëpinë e re. Për ta ka nisur një jetë e re në kohën kur nuk e kanë pritur një gjë të tillë” thanë anëtarët e kësaj familjeje.

Në përurimin e shtëpisë së re bashkë me disa bashkatdhetarë që e kanë udhëheq këtë aksion, në mesin e të cilëve ishte  Sabit Jashari, Ramë Mehiqi, ka marrë pjesë edhe zyrtat komunal të Mitrovicës të cilët shprehën shumë të kënaqur me cilësinë e punës dhe njëherit falënderuan të gjithë ata që kanë ndihmuar këtë familje.

Kryetari Kastrati, tha se bashkatdhetarët tanë kanë ndihmuar vazhdimisht. Ai potencoi edhe aksionin humanitar “Ndihmo edhe ti” që është organizuar për të mbledhur fonde për rindërtimin e shtëpive në veri.     

Ndërsa, Fetah Trepça, i cili për ndërtimin e shtëpisë për familjen Sylejmani, kishte dhënë 1 mijë euro, tha se janë të kënaqur që kanë mundur t’i  ndihmojnë kësaj familje që kishte jetuar në kushte tepër të rënda. “Shumë bashkatdhetarë tanë ju kanë përgjigjur këtij aksioni duke dhënë nga 100 euro. Kemi mbledhur rreth 12 mijë euro për ndërtimin e kësaj shtëpie që është punuar nga kompania “Afriuniversal”, e cila ka ndihmuar duke i dhuruar falas pllakën, dritaret dhe derën e hyrjes”.