Së shpejti plani për Kosovën

Kryetari i Serbisë, Tomisllav Nikoliq, u takua me shefin e UNMIK-ut, Ferid Zarif, i cili e...Foto 1/1

Kryetari i Serbisë, Tomisllav Nikoliq, u takua me shefin e UNMIK-ut, Ferid Zarif, i cili e dëgjoi propozimin e Nikoliqit që KB të jenë pjesëmarrëse aktive në rrjedhat e mëtejme të negociatave Beograd – Prishtinë.

Siç njofton shërbimi për shtyp i kryetarit të Serbisë, në një bisedë të ngrohtë e miqësore u vlerësua pozitivisht roli i UNMIK-ut dhe u theksua se vazhdimi i dialogut Beograd – Prishtinë duhet të ngrihet në nivel më të lartë, si dhe të bëhen përparime në fushën e sigurisë. Duke pasur parasysh specifikat e të gjitha problemeve në Kosovë, Nikoliq theksoi se zgjidhjes së tyre duhet qasur në mënyrë adekuate, duke respektuar Rezolutën 1244.

Në bisedë me kryetarin e Serbisë, Zarif u pajtua që të ketë paqe dhe siguri në gjithë territorin e Kosovës dhe theksoi se nuk do të tolerohen kurrfarë aksionesh të njëanshme, thuhet në komunikatë. Nikoliq theksoi se kurrë nuk do ta njohë pavarësinë e Kosovës dhe shtoi se shumë shpejt do të dalë me një plan, rreth të cilit pritet një konsensus i të gjithë faktorëve relevantë politikë.
Sipas tij, në këtë proces duhet të përfshihet edhe Kuvendi i Serbisë, duke e respektuar Kushtetutën, si akti më i lartë juridik, transmeton Radio Kim.