Kocijancic: Kosova mbetet prioritet i BE-së

Bruksel: “Kosova vazhdon të mbetet prioritet i BE-së. Ajo ka prespektivë të qartë...Foto 1/1

Bruksel: “Kosova vazhdon të mbetet prioritet i BE-së. Ajo ka prespektivë të qartë evropiane, siç e ka edhe i tërë Ballkani Perëndimor”.

Kështu kanë deklaruar të mërkurën  në Bruksel zyrtarë të Bashkimit Evropian, ndërkohë që komentet i bëri me dije Maja Kocijançic, zëdhënëse e shefes së politikës së jashtme të BE-së, Kethrin Eshton, pasi u pyet nga gazetarët lidhur me vendimin e Grupit Ndërkombëtar Drejtues per përfundimin e mbikëqyrjes se pavarësisë së Kosovës.

“Sundimi i ligjit është prioritet për Kosovën. Ne atje e kemi misionin, i cili ka mandat të qartë, që mbështetet nga 27 vendet anëtare të Bashkimit Evropian. Misioni do të punoj në bazë të ligjeve përkatëse vendëse”, tha Kocijançic.

Ajo ka theksuar se Bashkimi Evropian do të vazhdoje të ndihmojë Kosovën, nëpërmjet misionit për sundimin e ligjit EULEKS dhe Zyrës së përfaqësuesit të BE-së në Kosovë.