Ivanoviqi është optimist për zgjedhjet në Kosovë

Beograd – Sekretari shtetëror, Oliver Ivanoviq, tha se tash është shumë më optimist...Foto 1/1

Beograd – Sekretari shtetëror, Oliver Ivanoviq, tha se tash është shumë më optimist sa i përket situatës së sigurisë me rastin e mbajtjes së zgjedhjeve, ngase në lojë u kyç edhe OSBE-ja.

“OSBE-ja do të mundësojë bartjen e materialit zgjedhor deri tek vendvotimet. Ajo do ta mbikëqyrë vetë procesin e zgjedhjeve, që nënkupton se ka komunikim të mirë me EULEX-in, në mënyrë që edhe fizikisht t’i sigurojë vendvotimet. Ajo ka rol të rëndësishëm, mirëpo nuk duhet t’i tejkalojë autorizimet që ka lidhur me sigurinë e zgjedhjeve”, tha Ivanoviq. Ivanoviqi shtoi se e vetmja gjë e pazakonshme është që OSBE-ja të kujdeset edhe për disa çështje logjistike gjatë procesit të zgjedhjeve. Serbët e Kosovës do të mundë të votojnë më 6 maj në zgjedhjet parlamentare dhe presidenciale, të cilat i organizon Komisioni Republikan Zgjedhor nën mbikëqyrje të OSBE-së, që është si rezultat i marrëveshjes së KRZ-së me OSBE-në, të cilin vendim e përshëndesin vendet e kuintit dhe Brukseli. /B92/