Qyteti i Rockut mirëpriti grupin francez “Polaroid 3”

Mitrovicë – Bendi nga Franca , ” Polaroid 3” ishte mysafir mbrëmë në...Foto 1/1

Mitrovicë – Bendi nga Franca , ” Polaroid 3” ishte mysafir mbrëmë në Mitrovicë. Arsyeja e vizitës së tyre ishte që të i dal në ndihmë Rock Shkollës së Mitrovicës në komponimin e këngëve të anëtarëve të shkollës.

Ky grup shprehi gatishmëri të ndaj përvojën e vet më anëtarët e shkollës në mekanikën e zërimit si dhe komponimit të këngëve gjë që uU komponuan dy këngë, për dy anëtarët e kësaj shkolle.
Sipas, Dafina Kosova fokusi i krejt kësaj ishte aftësimi i të rinjëve në këto fusha. “Dy nga studentët e shkollës përfituan për të realizuar nga një këngë nga grupi francez.

Pra, një student nga jugu dhe një nga veriu. Ndihma e tyre u fokusua më shumë në komponimin e këngëve që njëkohësisht ishte edhe qëllimi kryesor i këtij bashkëpunimi”, u shpreh Kosova duke mos lënë anash të theksoj se do të ketë edhe në të ardhmen bashkëpunime të tilla gjithashtu edhe me ndonjë grup tjetër. 

Anëtarët e bendit u ndjenë të impresionuar me qytetin e Mitrovicës, pasi për herë të parë vizituan këtë qytet si dhe Kosovën në përgjithësi. “Është me të vërtet impresive dhe interesante pasi që jemi për herë të parë këtu. Është pak vështirë të kuptojmë gjendjen në përgjithësi të këtij qyteti mirëpo po kalojmë mirë në shoqërim me studentët e Rock shkollës në të dy anët e qytetit”, u shpreh vokalistja e grupit  Chrsitine Clenent. Përveq kësaj mbrëmje të organizuar nga shkolla e rockut, u bë promovimi i këngës së re nga Visar Kasa, anëtar i kësaj shkolle , me kënëgën  “Spirit goes on”.

Këngëtari Visari  u shpreh i lumtur për këtë bashkëpunim  “Shumë punë e mirë që i’a vlejti të bashkëpunohet me Polaroid 3. Shumë eksepriencë e mirë si për mua ashtu edhe për anëtarët e rock shkollës bashkëpunimi me këtë grup nga i cili kemi mësuar shumë” u shpreh ai.

 E tërë ngjarja u organizua në një ambient simpatik të quajtur ‘Creative Corner – 7 Arte’. Kurse, në emër të “7 Arte” , Lulzim Hoti në lidhje me këtë ngjarje u shpreh i kënaqur. “Kjo ngjarje është shumë e rëndësishme, që për herë të parë në Mitrovicë organizohet aktivitet muzkor në hapësirë të hapur në këndin kreativ, dhe sa do pak muzika rock ja kthen ‘shpritin’ e vet qytetit të Mitrovicës.

I tërë ky aktivitet muzikor, u realizua në përkrahjen e Ambasadës Franceze, Ambasadës Gjermane, Ministria e Punëve të Jashtme të Holandës, Rock Academie NL, Musicians Ëithout Border, IKV Pax Christi si dhe CBM.