Nxënësit demonstruan talentin për muzik artistike

Vushtrri- Në qytetin e Vushtrrisë tashmë ka filluar të dëgjohen e shfaqen programe me...Foto 1/1

Vushtrri- Në qytetin e Vushtrrisë tashmë ka filluar të dëgjohen e shfaqen programe me muzikë artistike. Në ambientet e Qendrës së Kulturës “Hasan Prishtina “, nxënësit e paraleles së ndarë të shkollës së muzikës, “Tefta Tashko”, në Vushtrri shfaqën një program të tillë artistik, i cili kënaqi publikun.

Paraqitjet e nxënësve të klasës së parë të shkollës së muzikës, të moshave 7-9 vjeçar, ishte inpozante edhe pse ata lojën në instrumente muzikore e kishin filluar tek në nëntor të vitit të kaluar.
Në piano në këtë program, në pika artistike u paraqitën nxënësit: Esra Maloku, Elena Zhigolli, Altin Osmani, Erdon Kuçiç, Reona Bunjaku, ndërsa me violinë Arian Jetullahu, Yllëza Merovci, Gresa Barileva dhe Laureta Dobërdoli.

Me kitarë në pika muzikore të zgjedhura u paraqitën nxënësit Taulant Mehana, dhe Ermal Çibukçiu.  Me klarinet paraqitje impresionuese shfaqën: Albana Maloku, Blerina Hyseni dhe Diar Bunjaku. Profesori i kësaj shkolle Urim Qirezi është i kënaqur me talentin e nxënësve të kësaj shkolle të muzikës.

“Synojmë që qytetit të Vushtrrisë të i japim vlera evropiane në aspektin muzikor. Ai thotë që së bashku me tre arsimtarët tjerë që së shpejti ta kompletojnë me nxënës një mini orkestër të shkollës. Aktualisht kemi 43 nxënës, me të cilët punojmë në veglat muzikore piano, kitarë, violinë e klarinet, e së shpejti në program do ta fusim edhe flautën “ shprehet Qirezi.

Ai shpreson që në vitin 2012-2013 në këtë paralele shkollore të kenë 200 nxënës . Qirezi për hapjen e kësaj paraleleje të shkollës së muzikës falënderon drejtuesit e pushtetit lokal, të cilët hapen shkollën e pajisen atë, në mënyrë që fëmijët të kenë mundësinë e ushtrimit të talentit të tyre.