“Mbrëmja e atelieve të hapura” u mbajt edhe në pjesën veriore të Mitrovicës

Mitrovicë, qershor 2012 – Manifestimi “Mbrëmja e atelieve të hapura” u...Foto 1/4

Foto 2/4

Foto 3/4

Foto 4/4

Mitrovicë, qershor 2012 – Manifestimi “Mbrëmja e atelieve të hapura” u mbajt në fillim të qershorit edhe në pjesën veriore të Mitrovicës.

Manifestimi “Mbrëmja e atelieve të hapura” sivjet u realizua në 33 qytete të Serbisë. Vizitorët patën rastin që t’i vizitojnë studiot ku punojnë dhe krijojnë artistët dhe nëpërmes kontaktit të drejtpërdrejtë me ta të mësonin diçka më shumë për skenën artistike bashkëkohore. Arti sot shpesh konsiderohet si diçka dytësor, edhe përkundër rëndësisë që ka në kuadër të kulturës dhe shkrimit të historisë, seç herë e më shumë po mbetet anash. “Mbrëmja e atelieve të hapura” ka për qëllim përhapjen e vetëdijes për rëndësinë e krijimeve artistike dhe për kulturën në përgjithësi dhe që t’i ofrohet çdo personi që dëshiron të edukohet përmes artit dhe kulturës.

 Vizitorët patën rastin që në “Aktiv art qendrën” në pjesën veriore të Mitrovicës ta vizitojnë studion ku punojnë dhe krijojnë artistët dhe që në kontakt të drejtpërdrejtë me ta të mësojnë më tepër për skenën artistike bashkëkohore. Në kuadër të këtij manifestimi, programi i përgjithshëm u realizua në një mjedis të përbashkët, ku u gjenden artistët që nuk i kanë atelietë e tyre, me çka u mundësua kontakti i drejtpërdrejtë me publikun. Piktori i diplomuar, Mirosllav Shaveliq, deklaroi se një manifestim i tillë për artistët e rinj, të cilët sapo kanë filluar të krijojnë karrierë artistike, është një rast i mirë për këmbimin e mendimeve dhe të ideve artistike.

“Një manifestim i tillë është shumë me rëndësi për ne të rinjtë që sapo kemi filluar të krijojmë dhe e ardhmja jonë artistike pasurohet në një takim të tillë, që është i pari i këtij lloji që po mbahet në Mitrovicë. Këtu krijohet, ekspozohet, këtu krijojmë shoqëri, pra gjithçka që i përket artit. Mendoj se shpirti krijues dhe artistik tashmë ka filluar të ringjallet me manifestime të tilla. Një ngjarje e tillë është një garanci për ditë më të mira për artin”, tha ai. Studentja e vitit të tretë në Fakultetin e Artit, Jovana Deniq nga Zveçani, e cili mori pjesë me 4 punime, deklaroi se për të është kënaqësi e veçantë që iu krijuan mundësitë që në një ambient të tillë të pikturojë dhe theksoi se kjo është hera e parë që po organizohet një manifestim i tillë gjatë tri viteve të saj të studimit. “Jam shumë e kënaqur, jo vetëm që na u dha rasti të punojmë, por edhe që të këmbejmë ide dhe përvoja...”, tha Jovana.

Drejtori i “Aktiv art qendrës”, Predrag Guberiniq, deklaroi se “Mbrëmja e atelieve të hapura” ka për qëllim që ta përhapë vetëdijen për krijimtarinë artistike dhe për kulturën në përgjithësi dhe që arti t’i ofrohet secilit që dëshiron të edukohet në frymën e tij. “Manifestimi ka për qëllim promovimin e kulturës vizuale, kështu që vizitorëve u është mundësuar pjesëmarrja në atelietë e artistëve. Kështu bashkëqytetarët tanë patën rastin që t’i shohin punimet e artistëve tanë të diplomuar, punimet e studentëve të Akademisë së Arteve, grafistëve, disajnerëve, artistëve që kanë fituar popullaritet lokal dhe ndërkombëtar dhe njëherësh patën rastin që të njihen me procesin e krijimtarisë artistike”, tha Guberiniq.

Në këtë ngjarje, që ishte e para e këtij lloji në Mitrovicë, mori pjesë një numër i madh i artistëve të  pa afirmuar, të cilët me punën e tyre tek po e krijojnë karrierën e tyre artistike, veprat e të cilëve publiku nuk ka rast që t’i shohë shpesh. Organizator i këtij manifestimi në Mitrovicë ishte Shoqata e Qytetarëve “Fraktal 3” në partneritet me organizatën joqeveritare nga Mitrovica “Aktiv”.