Vetëvritet një 25 vjeçar

Skenderaj / Polac - M.Koci , 25 vjeçar, ka gjetur vdekjen si rezultat i plagëve të marra...Foto 1/1

Skenderaj / Polac - M.Koci , 25 vjeçar, ka gjetur vdekjen si rezultat i plagëve të marra nga arma e zjarrit . Rasti është inicuar si vdekje nën rrethana të dyshimta me elemente të vetëvrasjes.

Policia wshtw informuar rreth orës 06:30min, me një rast të vetëvrasjes  të ketë ndodhur në fshatin Polac të komunës së Skenderajt. Rasti është raportuar nga anëtarët e familjes së të ndjerit, të cilët e kishin takuar viktimën të shtrirë në oborr, rreth 50 metra larg shtëpisë.

 Njësitë e para reaguese të policisë, në vend të ngjarjes kanë gjetur trupin e pajetë të M.Koci (1987),  të shtrirë, me një plagë hyrëse, në pjesën e parme të trupit, të shkaktuar nga armë zjarri, ndërsa arma e gjuetisë, e cila besohet se ishte përdorur në këtë rast, është identifikuar pranë trupit të vdekur.

Në vend ngjarje, hetuesit policor kanë gjetur dhe marrë si pjesë të provave materiale; një gëzhojë dhe pushkën e gjuetisë, dy tytëshe, e cila besohet të ishte përfshirë në rast ndërsa, do të procedohen për ekzaminim të mëtejmë. Rasti është kualifikuar si vdekje e dyshimtë me elemente të vetëvrasjes klasike të parapërgatitur nga viktima ndërsa me urdhër të prokurorit, trupi i pajetë është dërguar në institutin e mjekësisë ligjore në Prishtinë për obduksion.