U mbëltuan rreth 5 mijë fidane

Mitrovicë – Në kuadër të Ditës së Tokës botërore, në afërsi të fshatit Koshtovë të...Foto 1/1

Mitrovicë – Në kuadër të Ditës së Tokës botërore, në afërsi të fshatit Koshtovë të Mitrovicës u bë mbëltimi i 5 mijë fidaneve.

B.Feka banor i këtij fshati kishte dal për të vëzhguar  organizatorët dhe vullnetarët të cilët po mbëltonin fidane. Ai u shprh i kënaqur me këtë vëndim, që sipas tij do të kontribuoj në ambientin e kësaj ane, “ Këto lagjet tona vuajmë shumë nga era e rënde që shkakton deponia e mbeturinave. Ishalla kjo mbjellje e fidaneve do ndikoj në një ambient më të pastër për të gjithë qytetin “ tha ai.
Për mbëltimin e fidaneve ( pishave ) ishin angazhuar nxënës së shkollave të mesme, Ushtarë të FSK-ës dhe disa qytetar tjerë.

Ky projekt ka nisur si simbolikë e aktiviteteve që u organizuan në kuadër të Ditës së Tokës-22 Prillit. Në këtë aktivitet që është organizuar nga Ministria e Mjedisit më mbështetje të asaj të Bujqësisë, Arsimit dhe Komunës së Mitrovicës, pos zyrtarëve të lartë të ministrive të ndryshme, ishte i pranishëm edhe zëvendësministri i FSK-së, Shemsi Veseli dhe kryetari i komunës, Avni Kastrati.

Të dy kanë vlerësuar lartë rëndësinë e  madhe të projekteve që kanë të bëjnë me përmirësimin e mjedisit. Zëvendësministri Veseli, tha se Mitrovica nuk është përzgjedhur rastësisht për të realizuar këtë projekt. “Duke qenë se Mitrovica ka trashëguar një gjendje të rëndë të mjedisit është vendosur që pikërisht këtu të ndihmohet me projekte të kësaj natyre”.

Ai tha se FSK-ja është e gatshme të ndihmoj në çdo aspekt që ka të bëj me përmirësimin e kushteve të jetës.  Ndërsa kryetari i komunës, Avni Kastrati, tha se Mitrovica ka nevojë të madhe për mbështetje në fushën e mjedisit. “Ne kemi trashëguar një gjendje të rëndë në fushën e mjedisit, prandaj i mirëpresim projektet e këtilla”.

Ai tha se Komuna e Mitrovicës është duke punuar në përmirësimin e situatës aktuale, mirëpo projektet e kësaj natyre janë shumë të kushtueshme. “Viteve të fundit janë realizuar projekte të ndryshme që kanë të bëjnë me ambientin, mirëpo nevoja ende mbetet e madhe për investime në këtë drejtim”.

Ndërsa, Ahmet Jashari zyrtar për informim në KK të Mitrovicës tha për M-Magazine  se ky mbëltim i fidaneve është i mirëseardhur për të gjithë  mitrovicasit . “ Kjo hapësirë me rreth dy hektar do kontribuojë sado pak në ambientin dhe do jetë projket i vazhdës sonë për të krijuar ambient më të mirë “ tha ai.