Qytetarët e shqetësuar me reduktimet e ashpra

Mitrovicë:Edhe pas paralajmërimeve të zyrtarëve të KEK-ut se gjendja me energji elektrike...Foto 1/1

Mitrovicë:Edhe pas paralajmërimeve të zyrtarëve të KEK-ut se gjendja me energji elektrike do të rregullohet gjatë ditës së djeshme, situata veç është keqësuar edhe më shumë. Reduktime të ashpra të energjisë ka në gjithë Kosovën, ku nuk i shpëton as Mitrovica

Reduktimet e ashpra që janë ndier këto ditë kanë kapur edhe qendrën e qytetit të Mitrovicë dhe pjesa dërmuese e Komunës së Mitrovicës është në kategorinë C me reduktimet 3-3.

Derisa dje në mëngjes, zëdhënësi i KEK-ut, Viktor Buzhala, kishte deklaruar për media  se reduktimet po ndodhin për shkak të disa problemeve teknike në njësinë A5 të Termocentralit Kosova , zyrtarë të KEK-ut në Mitrovicë nuk kanë dashur të prononcohen për këtë çështje.
Banoret ankohen tej mase me këtë gjendje duke shprehur pakënaqësinë e tyre ndaj këtyre regjimeve të ashpra që po u bëhen.

Nerimane Ferizi   banore  e  qendrës së qytetit të Mitrovicës shprehet e  pakënaqur në lidhje me reduktimet e energjisë dhe thotë se “kjo tashmë ka kaluar në traditë të KEKU-ut  që gjatë festave të kemi reduktime të tilla me arsyetime të kota të prishjeve dhe po hasim në shumë vështirësi sidomos ne që jetojmë në banesa dhe ndodh që shumë shpesh të mbetemi edhe në ashensor”  tha ajo.

Zhurma të gjeneratorëve po dëgjohet gjithë andej vendit ndërsa Korporata Energjetike e Kosovës nuk po mundet të normalizoi situatën.