Pronarëve të tokave të gërmuara të Zhilivodës do t'u kompenzohen dëmet

Mitrovicë - Zyrtarë të Komunës së Vushtrrisë njoftojnë se është arritur marrëveshja dhe...Foto 1/1

Mitrovicë - Zyrtarë të Komunës së Vushtrrisë njoftojnë se është arritur marrëveshja dhe pritet fillimi i procedurave në lidhje me verifikimin dhe vlerësimin e dëmeve të shkaktuara gjatë punimeve në lokacionin e dyshuar për varrezat masive në fshatin Zhilivodë.

Sipas tyre është arritur marrëveshja me 11 fshatarët në pronat e të cilëve është gërmuar gjatë kryerjes së punëve brenda tri viteve sa kanë zgjatur gërmimet.

Në atë lokacion është dyshuar për ekzistencën e trupave të 25 qytetarëve të nacionalitetit serb por që gërmimet nuk sollen rezultatet e pritura, ngaqë aty nuk u gjend asnjë dëshmi për ndonjë kufomë.

Pas përfundimit të punimeve, gropa e madhe dhe e gjerë ka mbetur e tillë dhe se për rikthim në gjendje të mëparshme, zyrtarët qeveritar synonin të dakordoheshin me fshatarët pronar të tokave.