Përkundër sëmundjes së grurit, këtë vit rendimente më të larta

Vushtrri- Ka filluar para një jave dhe ende po vazhdon procesi i korrje- shirjeve të një...Foto 1/1

Vushtrri- Ka filluar para një jave dhe ende po vazhdon procesi i korrje- shirjeve të një sipërfaqeje prej 3870 hektar me grurë në tërë komunën e Vushtrrisë. Për të përfunduar ky process nga ana e MBPZHR-së janë angazhuar 58 autokombanja.

Sipas Drejtorit të Ekonomisë, Bujqësisë dhe Zhvillimit Rural , Nasuf Aliu, ”tha që procesi i kësaj fushate është duke ecur mirë dhe se kombajnerët janë duke respektuar rregullat e përcaktuara nga MBPZHR”.
 
Lidhur me rendimentin e grurit, drejtori tha që ai dallon varësisht nga lokacionet e sipërfaqeve të mbjellura. “Në sipërfaqet e tokës së rrafshët, të mbjellura me grurë rendimenti është mbi 5000 kg ha për grurë, gjersa në të tjerat sillet rreth 4000 kg për ha.

Gjykuar sipas këtyre shifrave bujqit e Komunës së Vushtrrisë kanë prodhuar 17,415 tonelata me grurë, apo përafërsisht mbi 10 mijë tonë miell e që përpjesëton me 70 mijë banorët e komunës, i bie të jetë mbi mesataren e konsumit.

Pas zyrtarëve komunal përkundër sëmundjes,”miza e grurit’, e cila ka prekur pjesën më të madhe të sipërfaqeve më grurë këtë vit krahasuar me vitet e kaluara rendimenti është  ca më i lartë, që do të thot se prekja nga kjo sëmundje nuk ka pasur ndikim të madh, thonë zyrtarët komunal.