Në Lagjen e Romëve u hapen 11 biznese

Mitrovicë - Në Lagjen e Romëve në Mitrovicë, të martën është përuruar “Hoteli...Foto 1/1

Mitrovicë - Në Lagjen e Romëve në Mitrovicë, të martën është përuruar “Hoteli industrial”, ku kanë nisur të funksionojnë 11 biznese të ndryshme.

Në ceremonin e përurimit, zëvendësministri i Punës dhe Mirëqenies Sociale, Berat Luzha, tha se kjo ëhstë një ditë shumë e rëndësishme, pasiqë papunësia është një problem i madh në gjithë Kosovën, andaj hapja e vende të reja të punës paraqet një ngjarje të rëndësishme.
 
Ndërkaq, nënkryetari i komunës, Riza Haziri, tha se u shpreh i lumtur për mundësitë që po ju ofrohen komunitetit RAE, duke shtuar se gjendja e tyre ka qenë e vështirë, sidomos në kohën sa kanë jetuar në kampet  në veri.
 
Ai premtoi se komuna edhe në të ardhmen do të mbështes projekte të tilla. “Ne kemi ndarë hapësirën e nevojshme për ndërtimin e objekteve të banimit, mirëpo kemi ndarë hapësirë edhe për objektet e biznesit”.
 
Për projektin në fjalë që është realizuar me mbështetje të SIDA-së kanë folur edhe përfaqësues të organizatave të ndryshme ndërkombëtare që kanë ndihmuar në mënyra të ndryshme.  Nga 11 bizneset e hapura në këtë lagje, u tha se pse tashmë janë regjistruar.