Këshilli i NATO-s nesër viziton Kosovën

PRISHTINË – Këshilli i Aleancës Veriatlantike do ta vizitojë nesër KFOR-in, kurse në...Foto 1/1

PRISHTINË – Këshilli i Aleancës Veriatlantike do ta vizitojë nesër KFOR-in, kurse në delegacion do të jenë edhe disa zyrtarë të lartë të Bashkimit Evropian.

Gjatë vizitës, delegacioni të cilin e kryeson sekretari i përgjithshëm, Anders Fog Rasmusen, do të takohet me komandantin e KFOR-it, Erhard Drevs, dhe me përfaqësuesit kryesorë të bashkësisë ndërkombëtare në Kosovë.Nga KFOR-i bëhet e ditur se ky delegacion do të takohet gjithashtu edhe me kryeministrin kosovar, Hashim Thaçi, dhe me zëvendësin e tij, Sllobodan Petroviq.

Këshilli Veriatlantik është trupa kryesore në NATO, e cila merr vendime dhe përbëhet nga 28 përfaqësuesit e përhershëm të NATO-s. Këtë trupë e kryeson sekretari i përgjithshëm, Anders Fog Rasmusen.
Kjo trupë tubon përfaqësuesit e lartë të çdo vendi anëtar, të cilët diskutojnë për politikë dhe çështje operative, të cilat kërkojnë vendime kolektive.