Kastrati mirëpret largimin e barrikadave

Mitrovicë - Drejtuesit e Komunës së Mitrovicës e kanë mirëpritur aksionin e KFOR-it për...Foto 1/1

Mitrovicë - Drejtuesit e Komunës së Mitrovicës e kanë mirëpritur aksionin e KFOR-it për largimin e barrikadave nga rrugët në veri, të cilat e kanë vështirësuar së tepërmi jetën e qytetarëve në atë pjesë të vendit.

Në të njëjtën kohë është dënuar sulmi dhe plagosja e dy ushtarëve të KFOR-it .

Kryetari i komunës, Avni Kastrati, tha se barrikadat në rrugë janë të papranueshme, prandaj strukturat e sigurisë si ato vendore edhe ato ndërkombëtare duhet të jenë të vendosura që të mos lejojnë vendosjen e tyre. "Mentaliteti i barrikadave nuk ka vend në Kosovë, andaj KFOR-i, EULEX-i dhe Policia e Kosovës duhet të kryejnë misionin e vet për të krijuar liri të lëvizjes për të gjithë".

"Ne e dënojmë ashpër plagosjen e ushtarëve të KFOR-it nga ata , të cilët me çdo kusht duan ta mbajnë një ambient kaotik me qëllim të sabotimit të shtetit të Kosovës".

Kryetari Kastrati, ka shprehur respekt për qytetarët e veriut, të cilët edhe në këto rrethana janë duke u treguar të përgjegjshëm dhe gjakftohtë