Janë pakësuar rezervat e gjakut në spital

Mitrovicë – Për shkak të mungesës së rezervave të gjakut, kompetentët e spitalit në...Foto 1/1

Mitrovicë – Për shkak të mungesës së rezervave të gjakut, kompetentët e spitalit në pjesën veriore të Mitrovicës u bën thirrje sot vullnetarëve të gjakut që të vijnë e të dhurojnë gjak. Drejtoresha e transfuzionit, dr. Vesna Milentijeviq, tha se mungojnë rezervat e të gjitha grupeve të gjakut, por aktualisht më së shumti ka nevojë për grupin zero rhd pozitiv dhe negativ.

“Duke pasur parasysh se jemi në stinën e verës, për ç’arsye edhe është zvogëluar numri i dhuruesve të
gjakut, gjendja aktuale në shërbimin e transfuzionit është e keqe, ngase do të duhej të kishim më shumë
rezerva. Aktualisht më së shumti ka mungesë të grupit zero rhd negativ dhe zero rhd pozitiv”.

Dr. Milentijeviq u bën thirrje të gjithë dhuruesve vullnetarë të gjakut, pavarësisht se çfarë grupi të gjakut
kanë, që të vijnë për çdo ditë në shërbimin e transfuzionit dhe të dhurojnë gjak.