Drews : Barrikada duhet të largohet

Mitrovicë - Barrikada mbi urën kryesore është një simbol i fuqishëm politik dhe simbolet e...Foto 1/1

Mitrovicë - Barrikada mbi urën kryesore është një simbol i fuqishëm politik dhe simbolet e tilla nuk është e arsyeshme të largohen me force kështu tha komandanti I KFOR-it Erhard Drews gjatë takimit të tij me kryetarin e komunës së Mitrovicës Avni Kastrati.

“Ndjej si turp barrikadën mbi urën kryesore të lumit Ibër, sepse ajo ka karakterin e ndarjes së një qyteti, i cili në fakt nuk është i ndarë”, ka thënë Drews.

Sipas tij, barrikada në Mitrovicë duhet të largohet sa më shpejtë. Por,  nuk ka dhënë detaje për strategjinë taktike të KFOR-it rreth çështjes së vendosmërisë së heqjes së disa barrikadave në fillim nga ana e KFOR-it dhe pastaj ndërprerjes së kësaj vendosmërie

Pas takimit me kryetarin e Mitrovicës, Avni Kastrati Drews tha se Kosova dhe Serbia duhet të zbatojnë dhe të realizojnë marrëveshjet që i kanë arritur në Bruksel, para se të nënshkruajnë marrëveshje të reja.