Banorët e veriut të Mitrovicës paralajmërojnë protestë

Mitrovicë - Përfaqësues të lagjës veriore ?€œKroi i Vitakut?€, ku të...Foto 1/1

Mitrovicë - Përfaqësues të lagjës veriore ?€œKroi i Vitakut?€, ku të enjten misioni i EULEX-it ka kryer një operacion bastisje në shtëpitë e shqiptare, duke arrestuar katër persona si të dyshuar për vrasjen e një serbi vitin e kaluar, të premten kanë nis takimet e tyre me autoritete për të kërkuar sqarime për operacionin në fjalë.

Fillimisht ata janë drejtuar te Komuna e Mitrovicës, ku janë takuar me drejtorin e Drejtorisë për Mbrojtje dhe Shpëtim, Behxhet Bala, si dhe përfaqësues të policisë nga rajoni I Mitrovicës, me q’rast kanë shpreh shqetësimet e tyre për rastin e së enjtes.
 
Pas këtij takimi ata kanë vazhduar në drejtim të ndërtesës së misionit të EULEX-it, ku u është bërë një termin për takim me zyrtarë të këtij misioni për në ora 15:00.
 
“Ne ishim në komunë, fillimisht për të shpreh kundërshtimet tona për aksionin e djeshëm që konsiderojmë se është i njëanshëm, sepse vetëm shtëpitë e shqiptarëve po bastisen, dhe më pas shkuam në EULEX, ku na than se në ora 15:00 mund të takohemi me zyrtarë dhe të bisedojmë” tha përfaqësuesi I shqiptarëve të “Kroit të Vitakut”, Nazmi Ismajli.
 
Ai shtoj se më vonë do të mbajnë edhe një takim me përfaqësuesit e lagjeve të tjera të veriut, dhe të shtunën do të mbajnë një protestë para selisë së EULEX-it në Mitrovicë.
 
Ndryshe në lagjen “Kroi i Vitakut”, sipas Ismjalit aktualisht janë duke banuar 20 familje shqiptare, ndërkohë që po punohet në rindërtimin edhe të shtëpive të tjera, pas përfundimit të së cilave pritet kthimi edhe i familjeve të tjera.