Aksident , humb jetën një 28 vjeqar

Mitrovicë – Në një aksident trafiku që ka rezultuar me humbje tragjike të jetës së një...Foto 1/1

Mitrovicë – Në një aksident trafiku që ka rezultuar me humbje tragjike të jetës së një këmbësori, njofton policia.

Aksidenti është raportuar të ketë ndodhur në rrugën magjistrale Mitrovicë – Prishtinë, përkatësisht në fshatin Kqiq të Mitrovicës, ndërsa ishin të përfshirë, një automjet transportues, autobus “Mercedes” dhe këmbësori 28 vjeqar.

Në bazë të hetimeve preliminare të rastit, aksidenti besohet të ketë qenë shkaktuar në momentin kur autobusi “Mercedes” po qarkullonte në drejtim të Mitrovicës ndërsa këmbësori në anën e djathtë të rrugës po ecte në drejtimin e njëjtë me lëvizjen e autobusit.

Viktima është goditur nga prapa me anën e djathtë të autobusit ndërsa ishte dërguar në spitalin e Vushtrrisë pa shenja jete. Vdekjen e viktimës e ka konstatuar mjeku kujdestar në spitalin e Vushtrisë.

Ndërsa, ndaj ngasësit 58 vjeqar, është caktuar masa e ndalimit policor ndërsa trupi i pajetë i viktimës 28 vjeqar, nga Mitrovica, është dërguar në Institutin e Mjekësisë Ligjore në Prishtinë për obduksion.