16 shtëpi në proces të ndërtimit

Mitrovicë-Në kuadër të aksionit humanitar “Ndihmo edhe ti” për rindërtimin e...Foto 1/1

Mitrovicë-Në kuadër të aksionit humanitar “Ndihmo edhe ti” për rindërtimin e shtëpive në veri të Mitrovicës, deri me tani kanë nisur të rindërtohen gjithsej 16 shtëpi. Prej tyre 11 janë në Lagjen e Boshnjakëve, 3 në zonën e “Tre rrokaqiejve” dhe 2 në Kroin e Vitakut.

Për të parë ecurinë e rindërtimit të këtyre shtëpive, këto lagje janë vizituar nga një komision i përbërë nga zyrtarë komunalë, përfaqësues të partive opozitare në Kuvendin e Komunës dhe përfaqësues të lagjeve të veriut.

Nënkryetari i komunës, Riza Haziri, tha se përveç që  është duke u bërë një punë shumë e mirë prej të gjitha atyre kompanive që kanë filluar të rindërtojnë shtëpitë ,ai theksoi se premtimet për të ndihmuar rindërtimin në veri më së miri janë duke e realizuar pronarët e kompanive private.

Nënkryetari Haziri tha “Deri me tani janë mbledhur më shumë se 300 mijë euro, përderisa premtimet kanë qenë deri në 1.5 milion euro, dhe se  është bërë një listë  e saktë me emrat dhe shumat e premtuara të të gjithë atyre që janë bërë pjesë e aksionit “Ndihmo edhe ti””..