Duhet t’i leni anash paragjykimet!

Elisabeth Schleicher është Këshilltare e komandantit të KFOR-it për çështje gjinore. Ajo...Foto 1/1

Elisabeth Schleicher është Këshilltare e komandantit të KFOR-it për çështje gjinore. Ajo ndihet shumë mirë që shërben në Kosovë ku jep kontributin e saj në ofrimin e një ambienti të sigurt për të gjithë popullin e Kosovës.

Jeni këshilltare për barazi gjinore tek komandanti i KFOR-it, për publikun kosovar kjo është një lloj surprize pasi që përshtypja këtu është se KFOR-i angazhohet vetëm për siguri. Na thoni më gjerësisht cili është roli i KFOR-it në  çështjen e barazisë gjinore në Kosovë?

Roli im këtu është si Këshilltare për çështje gjinore , e jo si këshilltare  për Barazi Gjinore, por për të shtuar aftësitë e KFOR-it në ofrimin e sigurisë gjithë popullatës. Ndihma ime është që të sigurohem që perspektivat  sa i përket sigurisë së femrave të merren parasysh kur KFOR-i kryen ndonjë operacion.    Ky rol është krijuar për arsye se shumë studime kanë treguar se meshkujt dhe femrat e kuptojnë dhe e përjetojnë sigurinë në mënyra të ndryshme dhe roli im i ndihmon KFOR-it që të adresoj këtë çështje.

Nga perspektiva e juaj si do ta vlerësonit gjendjen e barazisë gjinore në Kosovë?

Barazia gjinore në KFOR nuk është matur ose mbikëqyrur. Ne ofrojmë një ambient të sigurt për të gjithë njerëzit  në Kosovë; për meshkuj, gra, djem dhe vajza.

Përfaqësimi i femrës kosovare në vendim marrja sipas njohurive tuaja a i ofrohet nivelit të shoqërive evropiane ?

Gratë e Kosovës kanë më shumë ndikim se që ju mund të mendoni.  Kam takuar disa gra shumë të mençura dhe të përcaktuara  që paraqesin një ndryshim këtu. Nuk mendoj se ju mund të krahasoheni me ato të vendeve të Evropës, pasi që ka shumë situata të ndryshme  në Kosovë se që ekzistojnë në shtetet tjera.

A është e  përfaqësuar  si duhet dhe sa duhet femra kosovare në institucionet kosovare?

Ju vërtet duhet të pyesni gratë e Kosovës për këtë çështje. Janë ato që prezantohen. Unë nuk mbledh statistika. Dua të them  se ekzistojnë gra të përkushtuara që kryejnë punë për gratë tjera dhe për tërë shoqërinë në Kosovë.

Në kuptimin social shoqëria kosovare ndoshta vuan ende nga trashëgimi patriarkale a e keni vërejtur këtë dhe si mundet shoqëria kosovare të tejkalojë ndikimin patriarkal ?

Do ta them atë që e thashë në pyetjen e fundit. Po punoj që të siguroj që të merren parasysh të gjitha kërkesat e sigurisë për të gjithë njerëzit në Kosovë. Ku gjendet shoqëria dhe ku po shkon do të caktohet nga vet populli. KFOR- është këtu që të ofroj një ambient ku populli në mënyrë të qetë mund t’i bie vendimet e veta. 

Na përshkruaj të lutem ndjenjën tënde kur keni ardhur fillimisht në Kosovë. Pra si ju është dukur dhe a është përputhur pasqyra e juaj që keni pasur për Kosovën me realitetin që ju e keni parë ? 

Isha dhe ende jam në Kosovë. Kam zbuluar se ju duhet t’i leni anash gjykimet e paramenduara.  Ka qenë për mua një zbulim për të parë punën dhe përkushtimin e njerëzve këtu, të cilët po përpiqen që ta bëjnë Kosovën një vend më të mirë. Ky është misioni imi i dytë në Kosovë. Gjatë misionit tim të parë (2006-2007) unë isha udhëheqës i ekipit  në Ekipin Ndërlidhës Monitorues ë Suharekë. Kjo ka ndezur interesimin tim që të mësojë më shumë për Kosovën, dhe pas misionit tim të parë këtu, vendosa të doktoroj në shkenca politike me temë disertacioni të fokusuar mbi Kosovën. Pasi kreva doktoratën, ishte e qartë për mua se doja të kthehesha përsëri.  Kështu që në Qershor 2011 u ktheva përsëri. Dhe jam e sigurt se kjo nuk do të jetë hera e fundit që vij këtu, qoftë me detyrë ose për punë private.

Të flasim për  rolin e juaj në vendin ku ju punoni, KFOR-i është një mekanizëm ushtarak që pak a shumë i shkon për fytyre gjinisë mashkullore të këtë rolin kryesor. Pyetja është si qëndron pozita e femrës në vetë KFOR-in ?

Gratë kryejnë të gjitha punët në KFOR. Vërtetë nuk ka dallim në mënyrën si trajtohen meshkujt dhe femrat këtu.

A ka në KFOR ndonjë pozitë të lartë që e mbanë një femër?

Unë personalisht njoh disa femra me gradë Nën-kolonel dhe dy të tjera Kolonele.

Besojë se ju jeni “luftëtare” e fuqizimit të gruas edhe në rolin e saj në botën ushtarake, për shembull a mundë të jetë në të ardhmen një femër komandant i KFOR-it?

Nuk e shoh arsyen pse jo.

Cili do të ishte mesazhi i juaj për femrën kosovare veçanërisht për femrat e reja të cilat ndoshta janë në moshë kur janë në prag të fillimit të një rruge për të ndërtuar karrierën e jetës ?

Besoni në vetveten dhe në ata që ju rrethojnë. Sfidoni veten për tu bërë më të mirët në çfarëdo që ndërmerrni në jetë. Lus rininë që të mbajnë në mend se mënyra më e mirë dhe më e sigurt për një jetë më të mirë është arsimimi, dhe kjo posaçërisht vlen për femra.