Subvencionet, motiv për zhvillimin e bujqësisë

Vushtrri- Një numër i madh i bujqve vushtrrijas kanë arritur deri tek rritja dhe...Foto 1/1

Vushtrri- Një numër i madh i bujqve vushtrrijas kanë arritur deri tek rritja dhe zgjerimi i plantacioneve të tyre bujqësore. Ky  zhvillim i bujqësisë ka ardhur  si rezultat i përfitimit të donacioneve të mëdha nga shoqatat e ndryshme që veprojnë në Kosovë.

Grandet që i kanë përfituar këta fermerë janë kryesisht për, rregullimin e serave si dhe në kultivimin e pemëtarisë subvencionimi i bujqve vushtrrias realizohet duke ju ndihmuar atyre në financimin e gjysmës së projektit, derisa pjesa tjetër duhet të mbulohet nga vet fermerët.
Njëri ndër bujqit e shumët si  përfitues të këtyre fondeve është edhe Zejnullah Rrustemi nga fshati Nadakofc komuna e Vushtrrisë që përfitoj rreth 6000 euro nga shoqata  Iniciativa për zhvillimin e bujqësisë (IADK), me seli në Mitrovicë.
Ai shprehet i kënaqur si përfitues i këtij donacioni dhe është shumë optimist në zhvillimin e këtij biznesi.
Ai thotë, se ka të mbjellur 50 ari tokë me  rreth 1100 copë fidanë me mollë, nga të gjitha këto ka 6 lloje të mollëve.
Edhe pse gjatë mbjelljes thotë se nuk ka hasur në ndonjë vështirësi dhe se gjithçka ka shkuar ashtu siç është planifikuar, falë ndihmës dhe përkrahjes nga donatorët.
Ai thotë se mbjelljen e fidanëve e ka bërë para 2 vitesh dhe se në vjeshtën e këtij viti  pret që të dal në treg më rendimentet e para nga kjo kulturë, në çoftë se shkon gjithçka siç është planifikuar  ai pret se me rendimentet e para të fitoj rreth 3 tonë mollë.
Mirëpo gjatë kultivimit të kësaj kulture ai tha, se mund të hasim në rreziqe të shumta ,siç mund të jenë kushtet atmosferike si dhe ngricat e hershme të pranverës gjë që orienton  deri te shkatërrimi i kulturës.
“Problem tjetër shqetësues do të jetë  konkurrenca e madhe në treg, por besoj që do të kemi kualitet të mire dhe do t’ia dalim”, tha ai.
Gjithashtu ai shprehet i kënaqur me shoqatën në fjalë,- ”si përfitues i këtij donacioni jam i kënaqur me këtë shoqatë, sepse atë që kanë premtuar edhe e kanë realizua”, tha ai.
“Edhe pse përveç problemeve dhe rreziqeve të shumta që mund të hasim gjatë kultivimit të kësaj kulture, problem do të jetë edhe ruajtja (magazinimi), i rendimenteve që disa lloj  të mollëve e kërkojnë edhe temperaturën e caktuar për mirëmbajtje”, përfundon ai.
Sipas Zenel Bunjakut drejtorë i Shoqatës Iniciativa për zhvillimin e bujqësisë (IADK), tha se këto subvencione janë një motiv i madh për tu angazhuar në bujqësi për shumë qytetarë.
Megjithatë  përfituesit e subvencioneve janë njerëz që nuk janë të regjistruar si fermerë, që do të thotë se këtë biznes e zhvillojnë si veprimtari plotësuese.
“Angazhimet e IADK-së me këtë projekt kanë të bëjnë me ofrimin e shërbimeve këshillimore për përfituesit e përzgjedhur, për kultivimin e pemishteve me mollë të varieteteve të ndryshme, respektivisht, IADK do të planifikojë dhe realizojë planin për Menaxhimin e Prodhimtarisë së Integruar (IPM), do të trajnojë, këshillojë dhe monitorojë kultivuesit në të gjitha aspektet e kultivimit, mirëmbajtjes dhe mbrojtjes së pemishteve”, tha ai.

Ai gjithashtu tha se IADK do të vazhdojë edhe me trajnimin e grupeve të ndryshme të fermerëve të përfshirë në kultivimin intensiv të mollës. Për secilin grup do të gjinden 5 deri në 10 fermerë të interesuar, në afërsi të përfituesve të këtij programi. Trajnimet do të përmbajnë tema të aspekteve teknike të ngritjes së pemishteve me mollë dhe për menaxhimin e prodhimtarisë së integruar. 

“Projekti synon të promovojë sistemet e reja të kultivimit të pemishteve me mollë të densitetit të lartë, me sistem mbështetës, sistem ujitjeje, promovimin e kultivarëve të rinj dhe promovimin e standardit të Mbrojtjes se Integruar në kultivimin e mollës”, përfundon ai.