Këtë vit pritën rendimente dukshëm më të vogla

Vushtrri- Pjesa më e madhe e të mbjellurave bujqësore e sidomos të kulturave siç janë ...Foto 1/1

Vushtrri- Pjesa më e madhe e të mbjellurave bujqësore e sidomos të kulturave siç janë gruri, elbi dhe tërshëra në komunën e Vushtrrisë janë prekur nga sëmundja e quajtur, “miza e grurit”, dhe kjo sëmundje pa dyshim se po shkakton problem dhe njëherazi edhe dëme të mëdha në zhvillimin e kësaj kulture.

Meqenëse edhe nga fermerët e këtij rajoni ka pasur ankesa se kulturat e tyre po dëmtohën në masë të madhe nga kjo sëmundje, Drejtoria për Bujqësi e Zhvillim Rural është detyruar të  formojë urgjent një komision për verifikimin e gjendjes së këtyre kulturave dhe është konstatuar se këto kultura janë prekur nga kjo sëmundje dhe me këtë rast është duke u bërë e pamundura që të parandalohet kjo sëmundje.

E sigurisht që më të shqetësuarit nga kjo gjendje janë vetë fermerët të cilët janë kultivues të këtyre kulturave ngase  egzistenca e familjeve të tyre nvaret nga këto të ardhura bujqësore.
Sh.Maxhuni bujkë nga fshati Maxhunaj tha se këtë vit ka një sipërfaqe prej 1,5 hektar të mbjellur me grur dhe e gjithë sipërfaqja e kësaj kulture është e prekur nga kjo sëmundje.

Ai gjithashtu tha se këtë vit parashihën dëme të mëdha në kultivimin e kësaj kulture edhe pse kemi investuar në pesticide për parandalimin e dëmeve, mirëpo ende nuk dihet se a ka pasur ndonjë efekt pozitiv spërkatja me pesticide.
“Është mëkat për ne si bujkë me gjithë investimet e bëra në bujqësi që edhe buka e gojës po na u rrezikohet ngase pritet të ketë rendimente dukshëm të dobëta këtë verë”,tha Sahiti.

Sipas Drejtorit për Bujqësi dhe Zhvillim Rural, Nasuf Aliu si edhe nëpër komunat tjera edhe në komunën tonë është vrejtur kjo sëmundje dhe me daljen e komisionit në teren për verifikim është konstatuar se kjo sëmundje është prezente edhe tek kulturat tona.

Ai pohon se në komunën tonë këtë vit llogaritet të kemi të mbjellura një sipërfaqe prej 3870 hektar me grurë, 240 hektar me elb vjeshtorë ,180 hektar me elb pranverorë dhe afër 250 hektar me tërshër që do të thotë gjithësej një sipërfaqe prej 4540 hektar me drithëra të bardha të cilat do të korrën këtë vit.

“Ai gjithashtu tha se në zyren për bujqësi ka  pasur ankesa edhe nga ana e qytetarëve se kulturat  e tyre janë prekur nga kjo sëmundje e cila nuk ka qenë prezente kohëve të fundit në vendin tonë , mirëpo ne si drejtori jemi duke bërë atë qka është e mundur që këto kultura të pësojnë dëme sa më të vogla”, përfundon Aliu.

Ndërsa Agronomi Tefik Maloku, ,tha se ka vite të tëra që nuk ka qenë prezente kjo sëmundje në teritorin tonë, mirëpo fatkeqësishtë këtë vit kjo sëmundje është shfaqur edhe tek ne.
Mirëpo ai tha se gruri dhe elbi fatmirësishtë është në fazën e pjekuris qumështore dhe nuk ka mundësi të pësoj dëme të mëdha , mirëpo tani për tani tërshëra është më e rrezikuara nga kjo sëmundje dhe mund të pësoj dëme më të mëdha gjatë zhvillimit të saj.

“Mbetet obligim i organeve gjegjëse që të bjënë atë qka është e nevojshme që këto kultura sa më lehtë ta përballojnë këtë sëmundje”, tha Makolu.